घिरिङ्ग गाउँपालिकाकाे परिचय

भिरालो धरातलिय स्वरुपले बनेको यस गाउँपालिका समुन्द्र सतह बाट ३०० मीटर देखि १००० मिटर सम्मको उचाईमा फैलिएर रहेको छ । यस गाउँपालिकाको कुल क्षेत्रफल करिब १२६ वर्ग किलोमीटर रहेको छ । विश्व मानचित्रम यो गाउँपालिका २७’ ७०’ ६” देखि २७’ ५८’ ४८” सम्मको उत्तरी अक्षांस र ८४’ ०१’ २१” देखि ८४’ ०५’ १.०४” पूर्वी देशान्तरसम्म फैलिएर रहेको छ । यस घिरिङ गाउँपालिका  क्रमश साविक गजरकोट गा.वि.स.को वडा नं. २,४,५,६,७ र घिरिङ्ग सुन्धारा गा.वि.स को वडा नं. ३ समायाेजन हालको वडा नं. १ निर्माण भएको छ।, साविक गजरकोट गा.वि.स.को वडा नं. १,३,८ र घिरिङ्ग सुन्धाराको २,८,९  समायाेजन भइ हालको वडा नं. २ निर्माण भएको छ ।, साविक घिरिङ्ग सुन्धाराको वडा नं. ४,५,६,७ साभुङ्ग भगवतीपुरको ८ र माझकोटको ६  समायाेजन भइ हालको वडा नं. ३ निर्माण भएकोछ।, साविक घिरिङ्ग सुन्धारा १, राम्जाकोट ९ र साभुङ्ग भगवतीपुर गा.वि.स १,५,९ समायाेजन भइ हालकाे वडा नं. ४ निर्माण भएको छ र साविक साभुङ्ग भगवतीपुर गा.वि.स.को वडा नं. ३,४,६ र ७ समायाेजन भइ हालकाे  वडा नं. ५  निर्माण भएको हो ।

यसरी हेर्दा साविक गजरकोट गा.वि.सको ८ वटा वडा, साभुङ्ग भगवतीपुर गा.वि.स को ८ वटा वडा घिरिङ्ग सुन्धाराको ९ वडा, राम्जाकोट गा.वि.स.को १ वटा वडा, माझकोट गा.वि.स.को १ वटा वडा मिलि घिरिङ गाउँपालिका स्थापित भएकाेछ । यस गाउँपालिकाको पूर्वमा ऋषिङ गाउँपालिका, पश्चिममा  स्याङ्गजा जिल्लाकाे चापाकाेट नगरपालिका, उत्तर भिमाद नारपालिका र दक्षिणमा नवलपुरकाे बाैदीकाली गाउँपालिका  र पाल्पा जिल्लाकाे रामपुर नगरपालिका पर्दछ । घिरिङ गाउँपालिकाकाे कार्यालय  हालकाे वडा नं. ३ स्थित पाेखरीछापमा रहेकाे छ र गाउँपालिकाबाट  प्रदान गरिने सम्पूर्ण सेवा  उक्त  कार्यालयबाट हुने गरेको छ ।